樂壇前輩周啟生狠批陳蕾唱歌引熱議，稱：離晒譜咁走音，粉絲力撐「現場聽係好好」～

在2009年參加選秀節目《亞洲星光大道》獲得第四名的陳蕾（Panther），已入行14年，日前更首踏紅館舉行一連四場的個人演唱會《念》，但在演唱會上因請來魏念恩（Nathan）打鼓惹批評。此外，樂壇前輩周啟生亦有發文批評她的唱功，直指「大戈」。

樂壇前輩周啟生狠批陳蕾唱歌走音

日前80年代音樂人兼歌手周啟生在Facebook發文：「有朋友send咗一啲links俾我，係一個女仔嘅演唱會，女歌手叫陳蕾。我之前曾經聽過一兩隻佢嘅歌，聽唱片製作又真係幾好聽！音樂、歌詞、唱歌都係合格嘅！但係聽佢現場嘅表演，真係嚇咗我一跳，彈結他甩皮甩骨，唱歌近乎離晒譜咁走音。如果我冇記錯，早排佢攞咗最受歡迎嘅女歌手獎」。

他續說：「本來人哋開演唱會係可喜可賀，我冇心將佢攞嚟評頭品足，不如我問吓你哋，如果你聽過佢今次嘅演唱會，又或者睇過片段，我淨係想聽大家覺得佢唱歌點？」，又強調不想討論演唱會燈光或舞台的華麗程度，而是集中在唱功，隨後該帖文引來熱烈的討論。

帖文引來網民熱烈的討論

其中有不少網民認同周啟生的說法，有人留言：「我仲以為自己耳仔有問題，當d人話佢唱歌好好聽時，我聽到的卻是走音同冇氣」、「真係好普通，如果叻唔使到今時今日先彈出嚟」、「聲底唔係咁厚 ，所以假音同高音真係失色咗，表演時有啲勉強」、「陳小姐唱歌沒什麼特色」等，其後周啟生回應：「我都覺得我耳仔有問題，我淨係聽到佢叫啫！不停咁叫！」

但也有網民為陳蕾平反，指她已經是現今樂壇比較好的歌手，亦有人留言：「之前聽過佢live又唔係唱得咁差」、「其實佢聲底唔錯，可能企喺紅館緊張咗，個喉嚨肌肉變得生硬」、「聲底唔係咁厚 ，所以假音同高音真係失色咗，表演時有啲勉強」、「明明現場聽係好好」、「陳蕾話晒比賽出身，應該OK，可能只係緊張」等。

Text：Girls editorial

Photo Source：陳蕾@IG、周啟生@FB