Nathan魏念恩發道歉文被前女友同事再爆料！Jessie生前對話流出，被ViuTV要求IG轉私人AC？

By Sandy on 18 Jul 2023

Digital Editor

ViuTV節目《全民造星5》雖然已經播出總決賽，但10強參賽者之一的Nathan（魏念恩）的爭議不斷，Nathan的前女友Jessie在5月墮樓身亡，在決賽前被Jessie家屬爆出他一直向前女友借錢，而在節目播出後更與女友分手，但分手後仍然向對方借錢。結果Nathan在《造星V》總決賽開騷前半小時宣布退賽，17日更在IG寫下長文解釋事件，結果再被Jessie的好友反擊講大話？

Jessie家屬公開生前對話

早前有傳媒公開了Nathan與前女友Jessie生前的對話，Nathan向前女友Jessie提出分手後，不但與女方繼續保持聯絡，又多次向女方借錢，每次金額由幾百到一千元不等。而且Jessie每次都有求必應，但Nathan卻多次以工作忙碌為由拒絕與女方見面。5月中Nathan又要求女方刪去IG上所有有關自己的照片及限時動態，但女方不願意。

而且網上曾傳出Jessie不支持男友參加《全民造星5》，但Jessie的家屬就透露Jessie一直很支持Nathan追夢，不但鼓勵Nathan報名參賽，每次的公開場合都會幫Nathan化妝、Set頭，即使Nathan在情人節、生日等節日都因工作而無暇見面，Jessie也沒有怨言。

Nathan發長文回應事件

Nathan在決賽前半小時宣布加退賽，翌日又在IG發長文回應爭議，當中提到向前女友借錢一事，他稱：「我哋雙方都有穩定嘅工作，但係出糧嘅時間好唔一樣，第三者睇到Whatsapp對話可能會對借錢一事感到難以接受，但事實呢個就係我哋當時資金周轉嘅生活模式，甚至持續到去分手之後。但當我發現分手後繼續與對方有金錢瓜葛會令關係都完結得唔夠乾脆，所以喺事發前我已經約對方當面見面並以現金還清。」不過不少網友仍然不接受Nathan的解釋，罵聲不斷！

疑似Jessie前同事反擊

當中更有位疑似是Jessie的前同事在Nathan帖文留言反駁對方講大話：「周轉模式？笑X死！點解可以咁都講得出！你同佢拍拖開始，我就從來冇覺得呢一個係共同承諾嘅一種模式。同佢做嘢一齊咁耐，只係見到過佢寧願唔食飯都要畀錢你，從來冇見過佢月尾有任何嘅經濟援助。單方面需要幫助就問另外一位幫手，但係我從來都冇留意過佢有問過你拎任何一分一毫。」

疑似Jessie的前同事又提到與Jessie吃飯時對方為了節省金錢只喝一杯飲品「你覺得返工九個鐘，飲杯嘢飲，真係夠飽？就係知道你個人厚顏無恥，我先周不時搵藉口請佢食飯，你呢就淨係識得喺電話XX佢，X到佢返工無啦啦都要喊！一直以來，我都冇好刻意咁發聲，原因係因為我知道你係佢心目中幾重要，去到呢一刻睇完你打嘅嘢，完全唔覺得呢對感情係對等！我真係忍唔住！」

另外又有疑似Jessie的朋友留言「我3月同佢食飯傾計佢先同我講話無錢用，我問佢點解？佢話因為你話你專心比賽無收入所以佢出糧要support埋你同你隻貓啊！所以你篇嘢0分重作啦！好無誠意啊！」再次指出Nathan講大話，之後也出現幾位疑似Jessie的朋友的留言。

即睇更多人氣文章：

【Chanel 手袋凹陷急救】教你2個超簡單步驟，1分鐘瞬間修復羊皮壓紋，回覆脹卜卜！

俄羅斯24歲少婦通過代孕成23個孩子之母！立志生夠105個一特殊習慣確保小孩健康

Jessie生前Story被公開

另外有Jessie的朋友更貼出她生前的IG Story，在2月份《全民造星5》首次舉行記者會的時候，ViuTV安排94位參賽者見傳媒，當時Nathan已經因為出眾的外表惹人注目，原來當時Jessie就在自己的IG上傳男友記者會截圖並寫下：「我以後就係唔見得光嘅圈外女友」又附了哭泣的Emoji。當時朋友就回覆Jessie，指相信Jessie以後會有很多情敵，Jessie就回覆：「半日已經有好X多」朋友再問到「不過你男朋友唔會唔公開你卦？」Jessie則回覆：「應該要過埋比賽先 ViuTV都要我轉Private」但朋友就強調「MIRROR個個都有女啦」，不解為何Nathan不願意公開女友。