陳嘉寶與好友到餐廳聚餐,侍應將月餅誤會成生日蛋糕為Anjaylia送上驚喜,全場笑到碌地!老公:咁使唔使收切餅費?

陳嘉寶與好友到餐廳聚餐,侍應將月餅誤會成生日蛋糕為Anjaylia送上驚喜,全場笑到碌地!老公:咁使唔使收切餅費?

Trendy 人氣熱話
By raina on 15 Aug 2022
Digital Editor

陳嘉寶(Anjaylia)外貌甜美可人,曾在ViuTV劇集《IT狗》中飾演港女KOL,被網民大讚演技出色。近日她與老公黃頌祈(Epaphras)與一班好友到餐廳聚餐,怎料餐廳侍應竟「擺烏龍」,將月餅誤會成生日蛋糕,以為當日是陳嘉寶生日,為她送上生日驚喜,場面爆笑!

餐廳侍應誤以為陳嘉寶生日?

影片一開始就有一把女聲,疑似是餐廳侍應,對陳嘉寶說出一句:「Happy birthday Anjaylia」,然後向陳嘉寶遞上一盒「七星伴月」月餅,之後陳嘉寶立即笑到失控,身旁的友人包括陳嘉寶老公都「笑到轆地」,場面勁搞笑!此時,身旁的友人們開始議論:「佢哋頭先問我個蛋糕想點切?」、「(心諗)冇蛋糕喎」,之後全場更對住陳嘉寶一齊唱生日歌。

陳嘉寶的友人續說:「頭先我搲晒頭,佢哋(侍應)拍我膊頭問我個蛋糕使唔使幫你切,跟住我話我冇蛋糕」,然後笑到歪腰的陳嘉寶用高八度的聲音說:「頭先侍應問我,請問係邊個birthday?因為佢哋擺低咗個蛋糕喺度」,陳嘉寶表示一嚇因為她不知道,身邊友人搭話:「邊個birthday一係就過晒,一係就未到」,陳嘉寶就解釋她當時回答侍應:「我話我唔肯定喎,不如求其切咗上嚟先。」友人說:「月餅嚟㗎喎」。不知道是誰生日但又不想破壞驚喜的陳嘉寶再說她當時跟侍應說:「真係唔好問啦,都唔知邊個!」,陳嘉寶這個時候已笑到失控!

陳嘉寶老公問:咁使唔使收切餅費?

陳嘉寶老公非常幽默地問:「使唔使切餅費?切幾多個餅費啊,$150蚊一個好貴。」、「切親都$1500蚊啦呢度」,不知道最後有無收到呢一共7件的切餅費呢?非常好笑!

廣告
廣告

原來侍應將月餅誤以為是生日蛋糕

之後陳嘉寶在IG上解釋:「請原諒我面對呢個驚喜嘅失控(話說當時我已經幾杯到肚,本身就個人好high🍷)」,然後她再解釋這個誤會的由來:「事緣品牌寄咗盒月餅去公司。而尋晚我剛好同親愛嘅一班同事晚飯,佢哋好貼心咁幫我喺公司拎咗去餐廳,等我食完飯可以拎返屋企。但因為啲位太窄,盒餅又太大,所以同事入座嘅時候麻煩餐廳嘅外籍侍應們幫佢哋揾個位擺住先,然後貼心嘅侍應們就畀咗我呢個驚喜!」。

陳嘉寶續指,因為全間餐廳侍應都是外國人,所以不知道這盒是月餅,誤以為是生日蛋糕,而侍應亦真心認為她好感動,所以他們都好開心。

餐廳再為陳嘉寶送上蛋糕

之後陳嘉寶再在IG Story上分享彩蛋,表示真心誤以為當日是陳嘉寶生日的外籍侍應們,再為她送上一個來自餐廳的蛋糕,令場面又再笑不停!

Text:Girls editorial
Photo Source:[email protected]

延伸閱讀:

❣️ 立即 Follow 我們的 Instagram girlstyle.mag

🔔 訂閱 GirlStyle 女生日常 YouTube頻道

✨GirlStyle 女生日常手機應用程式正式登陸 App Store 及 Google Play✨ 👉 立即下載