姜濤拍紀錄片《答案》展真實一面：可能睇完會唔鍾意我！重提活動暈倒、自爆與內心抗爭？

男團Mirror近日成軍3周年，推出新歌《All in one》之餘，亦舉行專屬答謝會感謝粉絲們的支持！人氣王姜濤日前在IG釋出一條約2分鐘的短片，預告即將推出個人紀錄片《答案》，紀錄自己的日常生活並抒發內心想法，希望讓「姜糖」認識真正的自己！

不少國際巨星包括韓團Black Pink、美國人氣歌手Taylor Swift、Lady GaGa等都有拍過紀錄片，近日Mirror人氣王姜濤亦透露自己將推出紀錄片，將真實一面呈現在「姜糖」面前！

# 拍紀錄片展現真正一面：可能睇完會唔鍾意我！

預告片段開首先出現姜濤19歲參加《全民造星》時講過的一句說話：「真的我可以有好多種，呢個先係真正的一個人。」畫面緊接又出現另一句話：「我認識的我，會是大家認識的我嗎？」

隨即，預告片出現姜濤晚上踩單車的畫面，並表示：「我無咩途徑可以畀大家認識自己本身嘅經歷，所以我唯一可以做嘅就係喺自己嘅作品入面，講自己嘅經歷同諗法畀大家知」～

姜濤續指：「跟住我就諗，有無多一個途徑，我覺得拍一段紀錄片去紀錄呢件事，比以後嘅自己睇返都好～」片段中有不少姜濤日常生活的畫面，包括打籃球、排舞、表演、與隊員之間的互動等等～

隨即，身處在排舞室的姜濤坦言：「可能你睇完呢一段片會唔鍾意我，可能原本你係好鍾意我嘅，但係原來我唔係好似你想像中咁，其實我覺得都唔緊要！」

# 以前表演無諗太多：開心就得～

接着，畫面又出現Mirror演唱時的片段，姜濤坦言以前表演並沒有想太多，「只係覺得開心，大家一齊就得，但宜家就有一種好似我唔畀多啲力嘅話，大家就會⋯⋯所以我要迫自己畀多啲力」～

# 重提活動中暈倒一事：唔好將我諗到好脆弱～

姜濤又重提自己出席商場活動時暈倒的事，表示希望大家不要覺得他很脆弱，「雖然我呢件事搞到我好脆弱，我知道我暈咗，一定會有一大班人嚟講我哋公司唔好，講花姐唔好」！

# 8個月內心抗爭，扮出新歌尋找「答案」！

他透露自己近8個月一直跟內心抗爭，「一時又好似好返啲，一時又好似唔得，希望我第3隻歌出嚟嘅時候，可以畀到自己一個答案」！片段尾聲，姜濤在排舞室表示，「可能拍完呢段片、出完呢首歌，我都會有唔開心嘅時候，但起碼我會知道有方法，呢隻歌就係嗰個答案！」

大家又期待姜濤的紀錄片面世嗎？

延伸閱讀：

MIRROR三週年新歌《All in one》團魂爆發！鬼臉逐個看零偶包，MV這3點被指似BTS？

Text：Girlstyle Editorial
Photo Source：IG@keung_show