王者歸來？黎明相隔23年再拍劇，今次做前特種部隊成員拍40集長劇〜

「四大天王」之一的黎明近來作風愈來愈親民玩得，不時爆一兩句金句令他人氣更高！而最近他就重返電視界，接拍了一套40集大陸長劇，是相隔23年再拍劇，大家期唔期待呀？

當年黎明同陳松伶合演的《天涯歌女》堪稱經典，其後也接拍了不少劇集如《回到未嫁時》、《人在邊緣》、《原振俠》等等〜

而最後一套就是94年的無綫劇《阿Sir早晨》，之後23年再冇拍劇，雖然唔少人曾重金禮聘Leon重返電視圈，但佢都話未遇到有興趣嘅劇本〜

今次Leon接拍的大陸劇《莫語者》，會飾演一個前特種部隊成員，更會遠赴摩洛哥拍攝，Leon日前更已經入組開工！

相信好快大家又可以係公仔箱見到男神嘅風采啦！

Source：weibo/pinterest