陳嘉寶節目大爆圈中綠茶婊極品行為~ 周圍收兵,擅自改對白令同行出醜?

陳嘉寶節目大爆圈中綠茶婊極品行為~ 周圍收兵,擅自改對白令同行出醜?

Trendy 人氣熱話
By Yoyo on 04 Jul 2022
Digital Editor

作為不少人心中的靚媽代表,現時已為3女之母的陳嘉寶(Anjaylia)於ViuTV劇集《IT狗》中飾演極品港女KOL,被大讚演技出色。最近陳嘉寶上youTube《絲打圍爐》做嘉賓,接受蝦頭和連詩雅訪問時大談所見所聞,仲即席模仿「綠茶婊」行為,更神級還原演繹,笑爆網民。

陳嘉寶自認毫無殺傷力,所以「綠茶婊」喺佢面前都從來不掩飾,亦分享其中一次出席大型活動經歷,指有位女神級模特兒被男工作人員搭訕,即時嗲聲嗲氣回應:「好耐冇見,多謝你咁支持我呀!」

陳嘉寶在《IT狗》劇中所演的KOL Shirley,發揮出「綠茶婊」個性入型入格,角色令人討厭(圖片來源:IT狗)

交談中直言口渴,令該男工作人員甘心主動為她做跑腿買飲品,「綠茶婊」模特兒即叫大家將手袋放喺附近空位,以防男工作人員一陣返嚟糾纏佢,點知男工作人員返嚟後,呢名「綠茶婊」態度隨即變得友善可親。

陳嘉寶上《絲打圍爐》接受蝦頭與連詩雅訪問。(圖片來源:IG@anjaylia)

陳嘉寶再爆有次與兩位模特兒一齊做訪問,模特兒A突然改稿對模特兒B表示指甲可睇出一個人係咪好企理,而佢就覺得對方腳甲修得好靚。此話一出,攝影師隨即拍攝模特兒B嘅腳趾甲,陳嘉寶一望就發現模特兒B甘本無搽指甲油,仲要係一忽忽嘅,於是就問模特兒B,先知道原來兩者之間有過節:「我忍唔住問模特兒B,係咪稿嚟?點解我份稿冇呢part,模特兒B嬲嬲豬話:『係佢突然加㗎』。」

此外,陳嘉寶表示曾經遇過一位「綠茶婊」,就連打噴嚏都會搖頭刻意扮可愛,陳嘉寶更更一比一神級還原演繹示範三次,蝦頭和連詩雅即場學,點知學極都唔似,場面爆笑。

廣告
廣告

節目出街當日,陳嘉寶又再喺IG分享模仿「綠茶婊」打噴嚏影片,寫道:「你有無見過人咁樣打噴嚏? 我有!我真係有!不過唔係我本人…」仲話多謝《絲打圍爐》邀請做訪問,令佢諗返起人生食過嘅好多花生,又畀佢過足一場戲癮。

陳嘉寶在社交網再示範一次「綠茶婊」式扮可愛打噴嚏。(圖片來源:IG@anjaylia)

 

相信這個話題一定令超多女生有同感,看見綠茶們的作狀表現真係真的想把白眼翻到腦後!

 

撰文:Girlstyle Editorial

圖片來源:《絲打圍爐》YouTube影片截圖、[email protected]

❣️ 立即 Follow 我們的 Instagram girlstyle.mag

🔔 訂閱 GirlStyle 女生日常 YouTube頻道

✨GirlStyle 女生日常手機應用程式正式登陸 App Store 及 Google Play✨ 👉 立即下載