Tiger@MIRROR致辭自稱下弦：今日係嚟尋找工作機會嘅～網民力讚有大將風範，上台跳舞仲好壓台

By raina on 27 Jun 2022

Digital Editor

前日（6月25日）是第16屆鮮浪潮國際短片節的頒獎典禮，MIRROR成員之一邱傲然（Tiger）亦有份出席頒獎典禮並擔任最佳攝影環節的頒獎嘉賓。平日性格沉默的Tiger竟然在致辭時大談MIRROR的上下弦，更自嘲身為「下弦」的自己：「今日係嚟尋找工作機會嘅」！

大談獲得拍戲機會大多數是「上弦」的人

Tiger在致辭時提到：「近排都好多人搵MIRROR拍戲，當然係好啦！佢哋好多時都係搵姜濤、Edan、Anson Lo、AK，搵阿Jer或者有時搵Lokman，但大多數都係搵上弦嘅人。咩係上弦呢？就係MIRROR十二個人，多啲人識嗰6個就係叫上弦，無咩人識嘅就係下弦，所以佢哋好少可搵下弦嘅人拍戲，即係Tiger、Alton、Frankie嗰啲。有見及此，今日我嚟就係尋求工作機會！大家好，我係下弦嘅Tiger！」隨即惹來全場歡呼聲。

解釋「下弦」是因為未有表現機會

接著Tiger解釋下弦出現的原因，是因為暫時仍未有表現機會，以致有些人認為他們不行：「可能大家覺得我哋冇作品點會得？冇作品即係冇人睇，冇人睇即係冇人氣，冇人氣即係冇人知，OK﹗咁我就諗，冇作品畀你睇，即係冇睇到，咁點解你會知我哋唔得呢？」之後更舉出身邊與他年齡相約的朋友，在職場上被老闆質疑工作表現的例子解釋：「點解唔得呢？究竟係唔得定係未得呢？唯有盡力試下囉！」鼓勵現時不被看好的年輕人不要氣餒，大膽向別人證明自己的能力和價值。

把握每個外來機會，盡力做好自己

之後Tiger亦透露自己是頒獎典禮前兩天才收到大會邀請，當知道需要致辭更相當驚訝︰「我喎！要講嘢喎！我係sell唔講嘢，但機會來到就盡力試，入行呢幾年知道無機會就努力啲，有機會就盡力啲！」接着Tiger更把握機會宣傳自己有份演出的ViuTV新劇《死角》，表明劇集將於10月播出，示意大家多留意劇中一位長髮男子的表現，不妨看完後才判斷他到底行不行。