【召集公主控】周大福1:60「奇妙夢想城堡」尊貴足金城堡登場!聖誕必備迪士尼公主及女王限定首飾!

【召集公主控】周大福1:60「奇妙夢想城堡」尊貴足金城堡登場!聖誕必備迪士尼公主及女王限定首飾!

Accessories 飾物
By karen.ko on 20 Dec 2021
Digital Editor

每個女生心中都有一個公主夢,依家就實現呢個夢吧!周大福用兩年時間精心鑄造1:60「奇妙夢想城堡」尊貴足金城堡,精細呈現13個有關迪士尼公主、女王故事城堡嘅精髓,外形超華麗、超夢幻!估值約1,600萬港元,絕對值得大家親臨欣賞!呢座足金城堡依家喺香港迪士尼樂園內由周大福呈獻嘅「城堡珠寶店」展出,成為樂園最新打卡熱點!為慶祝足金城堡誕生,周大福同時推出全新迪士尼公主、女王首飾,展現公主們獨有嘅魅力!各位公主殿下又點可以抗拒專屬你哋嘅足金首飾呢?
 

#【全球獨有足金城堡】糅合13個迪士尼公主經典故事+超過50人專業團隊心血+42,248小時+232両足金!

周大福花兩年時間精心鑄造全球獨有的「奇妙夢想城堡」尊貴足金城堡。Photo from 周大福

呢座足金城堡係以樂園「奇妙夢想城堡」作為設計藍本,經多番實地考察同精密計算,最後以1:60最佳比例打造而成,體積為85cm (高) x 61.6cm (長) x 44cm (闊),足金含量高達8,692克 (約232両),現時估值約1,600萬港元!因為城堡上每個城塔嘅圖案、紋理同裝飾都唔同,需要花大量時間同功夫細緻刻畫出種種細節,例如灰姑娘城塔塔尖上嘅金色南瓜車、貝兒城塔塔尖嘅魔法玫瑰等等,為咗精細呈現城堡上每處獨有嘅建築元素,動用超過50人嘅專業團隊合作,耗時共42,248小時傾力打造呢,每個細節都只可以一Take過,不容有失,絕對係神級藝術珍品!

白雪公主城塔塔尖嘅故事標誌圖案-蘋果。Photo from 周大福

慕安娜城塔塔尖嘅裝飾係代表住茂宜嘅魚鉤緊捉住迪菲娣之心。Photo from 周大福

 

#專屬公主收藏品!不能錯過絕美金章套裝!

周大福「香港迪士尼樂園」系列「迪士尼公主」金章套裝(售價:HK$4,600)同「愛莎及安娜」金章套裝(售價:HK$870)只限樂園周大福店獨家發售。Photo from 周大福

為慶祝足金城堡誕生,周大福同時推出一系列全新迪士尼公主及女王主題首飾,當中亮點包括「迪士尼公主」同「愛莎及安娜」金章套裝!「迪士尼公主」金章套裝內有1套12枚金章,正面係迪士尼公主嘅頭像,包括:白雪公主、灰姑娘、愛洛公主、艾莉奧、貝兒、茉莉公主、寶嘉康蒂、花木蘭、蒂安娜、樂佩、梅莉達及慕安娜,背面就刻上「奇妙夢想城堡」圖案!而「愛莎及安娜」1套2枚嘅金章套裝,金章正面係兩位主角嘅頭像,背面同樣有「奇妙夢想城堡」圖案!有興趣嘅女生要留意~兩款金章套裝都只限於樂園周大福店獨家發售,特別矜貴呢!
 

#延續奇妙世界嘅歡樂!「奇妙夢想城堡」珍藏版足金擺件一秒傾心!

周大福「香港迪士尼樂園」系列「奇妙夢想城堡」珍藏版足金擺件以1:340還原城堡,延續奇妙夢想世界,售價:HK$168,000。Photo from 周大福

相信大家睇完1:60足金城堡之後都會念念不忘吧?依家有一個比較容易擁有足金城堡嘅選擇,就係周大福特別推出嘅珍藏版足金擺件,擺件以1:340還原「奇妙夢想城堡」,讓你時刻欣賞到香港迪士尼樂園嘅奇妙世界,產品同樣只限樂園周大福店獨家發售!呢座城堡不但象徵勇氣、希望同無盡可能,而且充滿住你同摯愛一齊欣賞城堡嘅甜美回憶!如果為另一半送上,一定別具意義呢!
 

#勇敢追夢!展現獨有嘅公主魅力!

(左至右)周大福「迪士尼公主」系列「艾莉奧」、「茉莉公主」、「貝兒」足金吊墜,每款HK$1,600(不包括項鍊)。Photo from 周大福

迪士尼粉絲不能錯過「蒂安娜」同「樂佩」足金吊墜,同樣每款HK$1,600(不包括項鍊)。Photo from 周大福

想提升甜蜜感,「迪士尼公主」系列足金吊墜一定係你嘅首選!5款全新足金吊墜以艾莉奧、茉莉公主、貝兒、蒂安娜同樂佩嘅象徵圖案為設計靈感,歌頌新世代女性好似迪士尼公主勇敢追夢嘅精神,讓佩戴者展現心愛公主嘅迷人個性及魅力,而吊墜亦係平日Mix & Match嘅好幫手呢!

 

大家記住去「城堡珠寶店」入手全新迪士尼公主同女王限定首飾啦!Photo from 周大福

各位公主殿下仲未諗到點樣獎勵自己?立即相約摯愛好友去香港迪士尼樂園歡度節日,記得去埋「城堡珠寶店」入手限定飾品啦!

 

Text:GirlStyle editorial
Photo source: 周大福
Featured for: 周大福

*本文章的圖片均經其本人或其公司授權,其他媒體不得轉載

 

❣️ 立即 Follow 我們的 Instagram girlstyle.mag

🔔 訂閱 GirlStyle 女生日常 YouTube頻道

✨GirlStyle 女生日常手機應用程式正式登陸 App Store 及 Google Play✨ 👉 立即下載