網民收集「一人一個另一半或前度唔愛你嘅細節」！付出唔對等/想有Me time/朋友更重要？

情侶之間不少相處的小細節都可以反映出另一半重視自己的程度，若然在日常生活中忽略了這些細節，更有可能影響二人的關係！近日，有網民在連登討論區收集「一人一個另一半或前度唔愛你嘅細節」，掀起網民熱論！

不少網民都留言提出會令另一半扣分的行為，例如「唔會幫你慳錢」、「同我講『你係愛我嘅，就要點點點』、「你對朋友都唔會講得出口嘅傷人說話，佢會特登講」、「成日都話揀錯人」等等，諸如此類的行為都令網民覺得另一半不愛自己！

# 付出唔對等＝唔愛？

有網民認為每個人的「Love language」都不同，很難一概而論，不過她提出一點，認為「付出唔對等就要醒水！」其他網民亦表示同意，質疑「其實明知唔對等點解會諗唔通」～

不過，亦有網民認為覺得另一半跟自己的付出不對等有可能是自己的感覺問題，未必代表伴侶不愛自己～有網民則認為「如果身邊人都咁講，你就知呢個係事實，睇你肯唔肯去面對」！

# 成日話忙，想有Me time？

有網民認為另一半「成日話好忙、好攰，好想有一個人Me time，對你嘅事唔上心」這些表現令他覺得另一半不愛自己！另一網民亦遇過類似的經歷，憶述另一半最後表示「有我同無我好似無分别」，又表示「工作好忙，唔想返到黎連me time都無埋！」

# 朋友比自己重要？

另一網民同樣表示自己的另一半成日話忙，「但其實就係去打機，去同啲friend玩，死都要拖到最後一刻先覆」，認為另一半的計劃永遠沒有自己～亦有網民表示伴侶「一放假就會約唔同fd周圍去玩，但永遠唔會諗同你去邊，甚至主動攞假同fd去玩」！

# 拍拖經常撳電話？

亦有網民提到另一半對住自己時，「9成時間都mon住電話」，認為自己可能太悶！不少網民都表示不能接受，「難得兩個人一齊，攬埋一舊點都好過同其他異性瘋狂text啦下話」、「無急事都唔好拎部機出黎，咁悶咪翻屋企玩手機，無謂勉強係度交貨」！

大家又覺得另一半咩行為會令自己質疑對方的愛呢？

延伸閱讀：

老婆生仔後拒觸碰4年！反問老公：我嫁給你就是為了做那種事嗎？

Text：Girlstyle Editorial
Photo Source：劇照、連登討論區