港女患多囊性卵巢症，男友提議搵代孕！深感委屈拒絕提議，網民一致建議分手？

情侶之間要找到有共同目標的另一半絕非易事，不少情侶都會為生育及組織家庭的問題有所分歧！近日就有網民在討論區分享自己的感情煩惱，表示發現自己有卵巢多囊的問題，有可能不育！但男友的家庭偏偏希望他能傳宗接代，男友唯有建議樓主找代孕~男方的提議令樓主深感委屈，更否決他的所有提議！網民更一致建議樓主分手？

近日，一名網民在連登討論區發文，訴說她的感情煩惱，掀起網民熱烈討論！樓主表示她上年發現自己有卵巢多囊的問題，告訴男朋友後，他表示自己的家人很傳統，如果生不到小孩，家人一定會反對！

# 無法生育，男友提議搵代孕？

男友的反應惹起樓主生氣：「佢居然係關心呢個多過關心我！」男友則解釋指「因為想同我一齊先會諗呢啲」，他又指其實並非沒有解決方法，提議樓主「可以搵代孕，或者結婚前試下，如果有就結婚！」樓主坦言聽到男友的提議時當下呆了！

# 樓主深感委屈，否決所有方案~

樓主向男友坦白，「同佢講我唔想咁樣，我覺得好心噏，好似我生唔到仔佢就唔會揀我咁」，但男友又不斷強調想跟樓主有將來~

後來，樓主否決男友提出的所有方案，男友則痛斥樓主不肯跟他一起解決問題，又怪責樓主自私！男友的指責令樓主深感委屈和難受，「唔明點解佢要一直逼我接受佢啲方案」~

# 不希望兩人未來要靠小孩維持？

樓主向網民徵詢意見，又問「其實我係咪真係佢講咁自私」！不過樓主亦坦言不希望跟男友的未來要靠小孩來維持，「講到生到仔係基本門檻咁，我都唔想生唔到，都唔係我可以控制到！」

# 網民一致建議分手~

樓主的感情煩惱掀起網民熱論，網民都一致建議樓主分手，有網民則表示：「搵過個唔洗生嘅男人」、「無話邊個岩邊個錯，你有你想，佢有佢想，唔岩咪分」~亦有網民認為「2021年仲有人想生仔？飛左佢喇！」

# 網民支持樓主男友！

不過，有不少網民都支持樓主的男友，認為樓主「咁大個人仲好似細路仔咁扭計，你男友咁成熟諗哂方法解決問題，你就一味逃避問題，建議唔好再害你男友直接分手」~亦有網民認為男方並無因為樓主無法生育而提出分手，「仲諗埋替代方案，講到尾最自私係你啦」

亦有網民同意「傳統屋企生仔真係基本」，但質疑樓主及男友「拍咁耐拖都無傾呢個問題」，應該就生小孩及組織家庭找個有共同目標的伴侶，認為男方「最錯咪一開始唔講清楚」~另一網民亦同意，認為結婚前就應就生小孩的問題達成共識！

大家又點睇呢件事呢？

延伸閱讀：

網民探討「女仔一日會畀幾多異性inbox」，3至4個係基本？唔係靚女都有市場！

Text：Girlstyle Editorial
Photo Source：劇照，連登