【全民造星3】折骨舞之神Ben三盞藍燈入圍！「斷骨級」舞技震驚全場，私下卻是怕醜仔有反差萌！
ViuTV節目《全民造星3》的討論度持續高企，風格迥異的參賽者更是焦點！最新一集就有高質參賽者登場，被封為「折骨舞之神」的Ben憑著「斷骨級」舞技震驚全場，並以三盞藍燈成功入圍，私下卻是怕醜仔一名非常有反差萌！
昨晚《全民造星3》的矚目焦點一定是23歲的Ben，他面試時怕怕醜醜，說自己從小就不愛說話，害怕群眾，同學老師還一度以為他有自閉症或者是啞巴！
但後來發現自己的舞技能獲得別人讚賞，就從此專心鑽研跳舞，他所學的折骨舞據Error成員「肥仔」說香港很少人學，而Ben的折骨舞可謂頂級水平！
果然Ben一上台立即變了另一個人，完全不見怕醜怯場，charm爆全場！他展現出精湛得近乎「驚悚」的折骨舞，讓人都不忍想他的關節還好嗎？好像完全違反人體構造，實在太精彩了〜
全場無論是評判、導師還是其他參賽者全都被深深震憾，卓韻芝和Joey Tang很快就給予藍燈，林二汶則火速按燈搶他入自己組，之後Eric Kwok也按藍燈，「折骨舞之神」以三盞藍燈佳績入圍！
後來Ben說折骨舞可以像一字馬、拉筋般練出來，還即場示範入門級動作，但在場各位一試都面露痛苦神色，有關節解體的感覺（笑）看來還是要天分和努力配合才練到吧！
大家都被Ben精湛的折骨舞和表演時的熱誠感染了，網民紛紛留言大讚：
「呢啲真係天生嘅talent，唔係人人練得到！」
「佢一上台，即刻成個人感覺唔同晒，跳舞加表情好到位！」
「呢種舞唔係隨便就學到/練到！這就是實力！加油」
「佢之後講點搵隻右手拉筋抽直再屈落去，我同老婆都有喺屋企跟住做，覺得完全無可能好似佢講到好似一字馬咁練到返嚟！」
「簡直神乎其技！怕羞仔上台唔同晒」
「有樣有性格有實力 10強走唔甩！」
「折骨程度可以拍喪屍片」
不過也有網民質疑：
「但佢除左識呢樣之外仲識乜？之後仲有咩可以表演？次次都折骨？」
「玩過一次之後，雖然幫到你入圍，但再繼續咁玩就死路一條，仲有咩特別」
然後Ben也有親自現身留言答謝大家的支持：
「多謝各位！我一開始唔知大家咩反應，好驚你地會skip咗我個表演，但宜家見到原來有人中意睇，我真係好感動。。多謝你地❤我會繼續努力噶啦！」
大家可以重溫一下「折骨舞之神」Ben的表演：
Text：Girls editorial
Photo Source：ViuTV
更多相關文章
《全民造星3》BINGO成員Odi態度惹網民反感！被指暗串離隊成員+欠缺實力，花姐：有長腿都無用！
17 Nov 2020
ViuTV選秀節目《全民造星3》以全新賽際再次出發，參賽者除了由以往只限男生參與，變為男女混戰，更接受已經出道的藝人參賽。所以從開播以來造成不少話題，繼早前有女子跳唱組合Bingo的成員關嘉雯（亦係我哋客席美編 Carman 加油）參賽後，上星期的一集Bingo另外兩位成員原來亦有參賽，但成員之一的Odi就因實力和態度而造成爭議！
面試時評判一致表示不看好，被評長腿之外實力欠佳
早前女子跳唱組合Bingo的成員關嘉雯（Carman）出戰《全民造星3》，一出場亮麗外表已經令人眼前一亮，之後她邊Rap邊跳舞，演繹歌曲《我的新衣》獲得評判Eric Kwok讚賞，成功入圍。
而上星期的一集同是Bingo成員之一的Odi、與已退出的Bingo前成員夏子涓亦有參賽。夏子涓的實力以及對唱歌、跳舞的堅持令一眾評判對她表示欣賞，直言：「佢係BINGO係嘥左。」花姐、林二汶、和彭秀慧都表示喜歡她，而她亦順利入圍。
緊接著夏子涓出場的，同樣是Bingo成員之一的Odi，她一出場已令在場人士嘩然，感嘆她的一雙42吋長腿。她在面試時一出場便賣口乖表示有看彭秀慧的電影《29+1》，亦很喜歡聽林二汶的歌曲。但此舉卻令花姐相當反感，直接對她說：「點啊？搞完關係未啊？我最憎人擦鞋架啦。」彭秀慧亦附和道：「佢有種老油條既感覺。」
進入正題開始表演時，表演唱歌跳舞的她表現強差人意，讓一眾導師都眉頭一皺。表演完畢後彭秀慧直言不相信她是個有經驗的表演者，完全不覺得她是個出道了四年的一個組合成員。花姐對她說：「因為我唔知道妳係光因為覺得我係Bingo，所以我會無咩問題，但我覺得就係因為妳係Bingo，所以妳要更加專業啲囉。」
Odi隨後受訪時稍有怨言地說：「都幾無辜架，原來我以為我咁樣盡左力，但係你個角度，原來我未夠囉。」
彭秀慧再問道，是否在這個場地表演令她很不舒服時，Odi亦表示：「會咖，因為好近啊，同平時我去表演俾人睇既感覺好唔同。因為呢到環境好簡單，無射燈、無器材去幫我演出。」
林二汶對她的回答不太滿意，表示不喜歡她找太多藉口：「我覺得任何行業都好，如果你要搵藉口，不如唔好做了。因為係有1000樣野去解釋，點解你做唔到件事。你只有一個原因係個到件事，就係你想做，但我feel唔到佢想做。」彭秀慧直言在Odi身上，找不到任何才華令她覺得要給她機會、覺得這些才華值得讓更多人看到。
台上疑埋怨已離隊成員，態度惹導師、網民反感
終於去到正式表演，她以跳唱歌由《I Know What You Want》參賽。一出場花姐已經說：「佢一開口就搞唔掂。」果然不負所望她一開口已令在場評判面有難色，花姐激動表示：「呢啲真係唔好留咁耐，有腿都無用！」彭秀慧就表示總是覺得她有種「Nightclub的味道」
表演完畢後她得到兩盞藍燈，讓後台的導師、還有其他參賽者感到驚訝。有其他參賽者表示質疑評判對表演的準則，不了解那條界線在哪裡。
得到兩盞藍燈的Odi卻遲遲未有導師選擇她，Odi隨即表示：「因為呢本身Bingo係一個五人組合黎既，講真，係我同Carman stay得最耐。我地倆個都好lost，因為我地唔知點解每年都要從新開始，但每一次做到有小小成績，就會有人想走囉。」此話一出令在場的前成員夏子涓大感尷尬。
之後她再說：「點解我要係到陪你由頭黎過啊？我既都係時間黎咖嘛。」
Eric Kwok隨即發問：「係米妳個人難夾啊？」Odi即時回答：「其實我已經覺得好多野都遷就得好緊要。」看著她發言的花姐直言：「聽佢講呢番說話，其實好容易就睇到佢個人係點，好難湊啊呢個女仔。」
最後彭秀慧讓她進入自己那一隊，但她的表現卻讓一眾網民大感反感。紛紛留言：「俾說話人聽！好仆x」、「講野八婆到」、「句句都有骨落地」、「全世界欠左佢咁」更有網民成立「反Odi大聯盟」得到不少網民和應。
事隔幾天後，Odi出Post回應：「沉澱、抽離、觀察，不足的地方很多。但解釋亦無補於事，感恩尚有機會。那就從這裏出發，重建成為更好的表演者。」大家看完節目後，又對她有什麼感覺呢？
Text：Girls editorial
Photo Source：《全民造星3》，Instagram @ooodilia、carcar.carman
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
