download GirlStyle 女生日常 app
「警民關係已經無可挽回」!杜汶澤以《我居然叫人唔好鬧人》為題撰千文字:「留有用之身,做要做的事」

「警民關係已經無可挽回」!杜汶澤以《我居然叫人唔好鬧人》為題撰千文字:「留有用之身,做要做的事」

Trendy 人氣熱話
By Sammi on 03 Oct 2019
Senior Editor

近月的反逃犯條例抗爭,引發了一連串的社會衝突,令到不少香港人都痛心疾首!有見及此,杜汶澤昨(2/10)就以《我居然叫人唔好鬧人》為題,打了千字文望大家「不要再近距離以言語挑釁警察」,並抒發了個人感受,感性表示:「留有用之身,做要做的事。老人家心痛你哋,一時感觸多口了,請年輕人恕罪」

廣告
廣告

杜汶澤反逃犯條例

杜汶澤先表示以下的言論是真心望大家好,稱反逃犯條例抗爭已發生了接近四個月,警民關係已經無可挽回,更指現時很多衝突與抗爭未必有直接關係,純粹是仇人見面:「唔緊要,我知道大家冇可能原諒香港警察,我絕對理解,但係你哋要明白到,你哋面對嘅究竟係一種咩物種。」

杜汶澤先表示以下的言論是真心望大家好

杜汶澤更點出了「道不同,不相為謀」的道理,因為大家都是完全不一樣的人,已不可能要求對方能理解你:「每一次我見到有啲好心市民,響前線同警察講道理,我自己都會搖頭嘆息。唉,同佢講都嘥口水」

杜汶澤更點出了「道不同,不相為謀」的道理

他又表示警隊存在著3類人,其一就是極少數出於正義而選擇當差,但是入行後才發現:「其實都只不過係個擦鞋仔集團,擦鞋越叻就越升得快,咩正義感都消磨晒啦!」也因此他們較易想法變得負面、爛賭,甚至作奸犯科:「君不見警察犯罪個案有如天上繁星?」

他又表示警隊存在著3類人,其是極少數出於正義而選擇當差

廣告
廣告

第二種就是因求學時期經常被欺凌、比人打,自己沒有靠山,所以畢咗業去考警察,但就形容這類人一般被暴力對待過,相對暴力傾向都特別嚴重;第三種就是純粹為打份工:「呢班人同工廠入邊嘅機器、或者黨鐵入邊嘅入閘機基本上冇乜分別。上級叫你做乜你咪做乜囉,根本冇個人意志可言。」

第二種就是因求學時期經常被欺凌、比人打,自己沒有靠山

「俾呢三種人揸住武器,係幾恐怖一件事。何必要得罪呢啲咁嘅人呢?」更認為大家對於警察的觀念多是來自小時候看電視劇或電影:「我可以好負責任咁話俾大家知,呢啲全部都係角色嚟,係編劇寫出嚟,如果寫得唔好,梁朝偉都唔會接啦!」

俾呢三種人揸住武器,係幾恐怖一件事。何必要得罪呢啲咁嘅人呢?

在提及警察的禮貌方面,著大家還是別太認真:「好多高級警務人員,當面對市民嘅時候,除咗冇禮貌之外,仲有一副高高在上嘅樣,因為日日響差館俾人擦鞋,接觸市民機會唔係真係咁多,當遇見市民嘅時候,好容易會誤會對方係佢自己下屬,再加上自己膊頭有花,自不然覺得自己響職場上有啲成就,個人囂張啲都係好合理。其實咪搵得嗰十雞八雞個月,嚇死人咩想。」

杜汶澤反逃犯條例

最後杜汶澤希望大家明白:「今時今日有極權撐腰嘅香港警察,可以講得上係為所欲為,你頂撞佢,輕則佢會罵你,用胡椒噴霧射你,重則開槍打你,打你唔死拉埋你。完全係唔需要負上任何責任!」

今時今日有極權撐腰嘅香港警察,可以講得上係為所欲為

「留有用之身,做要做的事。老人家心痛你哋,一時感觸多口了,請年輕人恕罪。」有粉絲看後留言稱:「 只要明白拳頭在近,無必要呈口舌之快,記住十年未晚。」、「可唔可以用『惡人先告狀』嚟形容佢哋依家嘅行為?因為驚死就兇咗你先咁呢?」、「聽澤一夕話,勝讀十年書」、「睇完明白理解咗好多依款生物嘅特徵」

Text: GirlStyle editorial 

Photo Source: Facebook@杜汶澤

❣️ 立即 Follow 我們的 Instagram girlstyle.mag

🔔 訂閱 GirlStyle 女生日常 YouTube頻道

✨GirlStyle 女生日常手機應用程式正式登陸 App Store 及 Google Play✨ 👉 立即下載