一年改兩次名!黃長興由「致豪」再改「祥興」,蕭正楠:希望佢今年唔好再改名住!

一年改兩次名!黃長興由「致豪」再改「祥興」,蕭正楠:希望佢今年唔好再改名住!

Trendy 人氣熱話
ByCynthia on 26 Apr 2019 Digital Editor

不少藝人為咗星途都會改個方便易記嘅藝名,務求觀眾記得佢地!港男出身嘅演員黃長興早前改咗名做「黃致豪」,不過觀眾都唔係好叫得慣~估唔到過咗半年之後,就由「黃致豪」改返做「黃祥興」,連老友蕭正楠都忍唔住笑佢:「啱啱記得個名,希望佢今年唔好再改名住!」

Screen Shot 2019-04-26 at 12.24.54 PM

黃祥興上年就話因為健康問題而改名做「致豪」,無論係觀眾定係身邊嘅朋友都做唔慣呢個新名!之前佢上節目嘅時候,節目組更加喺佢個名「黃致豪」隔離括住(長興),改完大家都係叫佢做長興~

5c565d765727d5.77777042

直到今個月,佢又改名做「祥興」!其實就係因為佢覺得大家都改唔到口叫佢做「長興」,所以就再由「致豪」改返做「祥興」!佢接受記者訪問時就話自己一嚟想Keep住個藝名,二嚟相士話個「長」字唔夾佢,所以改個同音嘅「祥」字~

Screen Shot 2019-04-26 at 12.48.15 PM

唔止係網民都R哂頭,老友蕭正楠都忍唔住取笑黃祥興:「我同長興...唔係...係致豪...唔係...係祥興又黎到大馬學師啦!啱啱記得個名,希望佢今年唔好再改名住!」連翠如都忍唔住留言話蕭正楠好衰!

Screen Shot 2019-04-26 at 12.23.33 PM

之前由黃長興改做「黃致豪」嗰陣,已經引來唔少網民迴響!有網民就話「好似社團咁,陳浩南(洪興)」,仲有網民恥笑話:「黃致豪,字長興,人地復古都唔得?」、「一早改做黃祥興咪算囉!

廣告
廣告

Screen Shot 2019-04-26 at 12.56.39 PM

其實一直以嚟都有好多藝人改藝名,例如出道多年嘅梁烈唯喺今年改名做梁競徽,就比網民恥笑諧音似「勁廢」,一直以嚟叫開佢「唯唯」嘅亦都要改口~~

Screen Shot 2019-04-26 at 12.49.29 PM

唔講唔知,其實女神Ali李佳芯都因為身體問題,由本名「李嘉馨」改做藝名「李佳芯」!

Screen Shot 2019-04-26 at 12.51.05 PM

對於出道多年嘅藝人嚟講,突然要觀眾適應叫佢地嘅新名真係需要一段時間,希望祥興唔會再改名啦~~

Text:Girls Style Editorial

Photo Source:Instagram、TVB

Follow Instagram: girlstyle.mag


Share to Facebook