成個IG都係比卡超！IG興玩「比卡超CHALLENGE」，阿嬌畫功冠絕英皇藝人！

成日都會有唔同嘅挑戰突然彈起，好似之前嘅10Years Challenge、冰桶挑戰等等，一夜之間就可以成為全城熱話，大家都爭住玩！最近又有一個新嘅Challenge --- 「Draw Your Pika」，成功喺香港掀起潮流！

比卡超（Pikachu）絕對係所有香港80、90後嘅童年回憶，但係對於呢個突然間冒起嘅畫畫Challenge甚至由邊個、喺邊度發起都無從稽考，不過可以證實嘅係，呢個比卡超Challenge已經有好多人玩，更加有網友問：「點解一開IG Story，成版都係比卡超！」

喺一眾明星入面，英皇藝人喺第一批玩呢個Challenge嘅人，仲展現佢地嘅「神級畫功」！其實呢個Challenge玩法好簡單，就係選定一個主題，畫完之後就Tag三個朋友，叫佢地畫出自己Style嘅卡通！

好多網友睇完呀嬌畫嘅比卡超都大讚「畫得好有神髓」！

而Kenny就成為最多人Tag佢畫嘅藝人，佢喺IG呻自己已經畫咗最少三幅比卡超，仲問「幾時先可以停？」！

Yumiko嘅畫功就差啲啦，佢自己都話剩係畫到火柴人比卡超，畫風真係好隨意～～

人地話要畫比卡超，Joey就畫咗自己最愛嘅Miffy出嚟，離哂題呀～～～

離題嘅仲有呀SA～～～

仲有袁偉豪畫嘅「邪惡版比卡超」～

除咗一班明星之外，仲有好多網民自發玩其他卡通嘅「畫畫Challenge」！好似小編身邊就有迷妹畫咗「BT21」嘅卡通，真係畫得超似，唔玩呢個Challenge都唔知佢地咁有畫畫天份！

不過都有啲網民話自己冇人Tag，天生就係毒L一個⋯大家快啲Tag佢地一齊成為小精靈訓練員啦～～

Text：Girls Editorial

Photo Source：Instagram