CG特效媲美荷里活！古天樂斥資4.5億拍港產科幻片《明日戰記》，瞓身搞好香港電影！

古天樂對推動香港電影一向不遺餘力，今次更來個大突破，揼本斥資4.5億拍港產科幻片《明日戰記》！一年前釋出首個預告已經令人期待值爆錶，剛剛再公開的第二條預告，更可見CG特效相當出色，和荷里活大製作相比也絕不輪蝕，證明港產片尚有無限可能！

以往科幻片通常都是荷李活大製作，但一向鍾情科幻片的古天樂深信香港人都有能力製作本土巨作，所有其公司「天下一」有份投資及發行的《明日戰記》，除了自己擔任男主角，更找來劉青雲、姜皓文、劉嘉玲、張家輝等重量級影星，並由新晉導演吳炫輝執導，可說是「瞓身搞好香港電影」！

《明日戰記》的故事設定於2055年，污染及全球暖化等問題已經非常嚴重，更受到外星異種藤蔓「潘朵拉」入侵，地球和人類面臨末日的危機，於是古天樂、劉嘉玲、劉青雲及姜皓文等人的拯救隊就要對抗外星異種，展開救援行動，人類拚死一戰，非常熱血！

張家輝所代表的「天幕計劃」更是一大謎團，到底是敵是友呢？更說要退外星人，要犧牲16萬人，還說：「天幕就係我，我就係天幕。你聽清楚未？」，劇情看似相當引人入勝！

而預告最令人眼前一亮的，一定非高質CG特效莫屬！不少香港場景於CG技術下都變得荒蕪，還有高科技戰機、裝甲車等登場，效果非常震撼！

《明日戰記》斥資4.5億，前期籌備足足花了3年，再用半年拍攝，並超過1年時間後期製作，可說是台前幕後所有人的心血，亦力證香港有人才和國際級數CG技術，香港都拍到大型科幻片！

不少網民都一致大讚《明日戰記》，並說非常期待一定會入場支持！

「香港終於有套似樣嘅科幻片，多謝古仔為香港電影出口氣，香港係有香港本土電影，亦係相隔20年重入戲院睇嘅港片」

「我信古仔，佢本身勁中意星戰、marvel呢類作品，本身應該對劇情比咗唔少意見」

「成日鬧港產片既人，今次真係有新嘗試，無論錢定後期，都落足本落足心機，無藉口做鍵盤戰士啦？如果咁樣香港人都唔訓身支持，第日再無香港電影時就唔好怨，因為電影業既末落你地有份做成。」

「見到港產可以做到咁已經一定要入場睇」

「畫面、設計、演員、製作等等都冇得輸！唯一希望故事唔好咁老土～」

「港產片終於有突破啦！無論最後佢播出嚟係好定壞，係香港電影史上已經係一個經典」

Text：Girls editorial

Photo Source：youtube