download GirlStyle 女生日常 app
為拆散輝蓮CP鋪路?大小姐大罵送水輝:我小你個頭呀,大小姐眼泛淚光演技再獲網民激讚!

為拆散輝蓮CP鋪路?大小姐大罵送水輝:我小你個頭呀,大小姐眼泛淚光演技再獲網民激讚!

Trendy 人氣熱話
By Cynthia on 21 Sep 2018
Digital Editor

呢排《愛回家》有關大小姐同送水輝嘅劇情都係Sweet到漏,呢對正值熱戀期嘅情侶雖然愛得偷偷摸摸,但兩人亦都非常享受呢段關係~但係編劇們又點會俾呢對戀人Keep住甜蜜?就喺前晚播出嘅《愛回家》預告入面,大小姐竟然大罵送水輝,仲嬲爆爆咁話唔想再見到送水輝,令到網民都嚇咗一跳,以為編劇們又要開始虐心情節!

廣告
廣告

Screen Shot 2018-09-21 at 3.14.06 PM

早幾集已經講到大小姐非常重視同鄧總呢單生意,為咗證明俾爸爸睇女人都可以做到,佢就拉埋若水、群姐等人打牌惡補牌技,仲落咗命令唔俾佢地去廁所!當龔燁見到若水急於如廁嘅動靜時,就假裝要喺大小姐面前用水樽小解,令大小姐迫於無奈地放佢地一個Break!(龔燁同若水呢條線都好Sweet呀!!)

Screen Shot 2018-09-21 at 3.46.31 PM

因為大小姐太專心打牌,完全忘記咗送水輝喺「覓雪琴室」等緊佢⋯⋯但係為咗傾成同鄧總嘅生意,大小姐叫Mandy打俾送水輝解釋佢嚟唔到赴會!見到送水輝個失望表情,真係連觀眾都心痛埋一份呀~

Screen Shot 2018-09-21 at 3.04.03 PM

當送水輝見到人地Mandy同博思都會為對方打打氣,佢見到大小姐咁辛苦,都想為佢送上小驚喜!

Screen Shot 2018-09-21 at 3.07.11 PM

廣告
廣告

喺大小姐同鄧總開視像會議期間,送水輝仲專登拎住甜品,熄埋間房嘅燈,大叫:「Surprise!小蓮~」

Screen Shot 2018-09-21 at 3.13.41 PM

點知就搞砸大小姐同鄧總嘅會議,令大小姐嬲到震:「小你個頭呀,我以後唔想再見到你呀,你同我走!

Screen Shot 2018-09-21 at 3.14.11 PM

Screen Shot 2018-09-21 at 3.14.13 PM

令到送水輝勁傷心⋯⋯今次仲係佢地兩個之間第一次鬧咁大交!

Screen Shot 2018-09-21 at 3.16.24 PM

將誤會解開之後,兩人互訴心聲:「阿輝,事業對我嚟講真係好重要。但係你同事業一樣,一樣咁重要!」兩個人仲勁Sweet咁攬到實一實!

Screen Shot 2018-09-21 at 3.25.55 PM

不過,之後呀輝又因為大小姐幫Philip仔擠暗瘡而大鬧:「你死蠢嚟㗎?佢得7歲人仔,你幫佢擠暗瘡?你人頭豬呀?

Screen Shot 2018-09-21 at 3.27.31 PM

令到送水輝坦白同大小姐講咗句:「小蓮,其實每個人心入面都有一樣嘢好重要,唔可以過界㗎!Philip仔個面豬登對我嚟講,就好似你對事業一樣咁重要!其實你對我一樣咁重要」但係轉個頭就即刻攬實Philip仔,令大小姐眼濕濕,網民見到都表示林淑敏超好戲!

Screen Shot 2018-09-21 at 3.32.11 PM

經過今次鬧交之後,佢地都好清楚大家嘅底線去到邊,對於情侶相處嚟講未嘗唔係好事啊!不過亦都有網民開始擔心,因為佢地兩個都唔係將對方放喺第一位,會唔會係編劇為咗拆散呢對CP而埋下伏線,專登令到佢地之間嘅關係變質!

Text:Girls Editorial

Photo Source:TVB

❣️ 立即 Follow 我們的 Instagram girlstyle.mag

🔔 訂閱 GirlStyle 女生日常 YouTube頻道

✨GirlStyle 女生日常手機應用程式正式登陸 App Store 及 Google Play✨ 👉 立即下載