港姐問答環節笑料百出！DO姐神解圍＋大串麥明詩獲全場掌聲，20號急智為農夫改新名「播種的機」～

昨晚港姐決賽已完結，新一屆香港小姐也誕生了～冠亞季都是大熱的人馬，冠軍為23 歲護理系畢業生陳曉華，亞軍則是 23 歲建築系畢業生鄧卓殷，季軍是賽前被視為冠軍大熱的24 歲丁子田，而當晚身穿泳衣接受問答環節一定是每年的亮點所在，今年就由DO姐帶領，夥拍冠軍師姐麥明詩、馮盈盈、兄弟拍檔蕭正楠、曹永廉及農夫為佳麗炮製突發難題，考驗一眾佳麗的急才及臨場反應！各位佳麗都狀態大勇，發揮出不錯的臨場表現，令到在場人士都掌聲四起～

先說說令人最印象深刻，成功引起話題性的亞軍20號鄧卓殷（Amber），當時主持人農夫就問Amber：「DO姐經常稱呼我哋做垃圾，令人髮指！而家由你重新幫我哋定個稱號，你會叫我哋做咩呢？」

創意不錯及轉數快的Amber很快回答：「我會叫你做『播種的機』，想將hip hop嘅種子散播出去，又可以帶比大家歡樂～」

DO姐則忍不了取笑農夫這敆新花名～農夫更笑稱：「農夫都仲要慢啲，『播種的機』可以好快」

之後再叫Amber為Do姐改個新外號，他先來讚Do姐是香港女性的典範，絕對是「香港一姐」，農夫回應：「即係Do姐之後可以去警務處做？」Amber機智快答：「Do姐的霸氣係可以勝過警務處處長～」，令到Do姐也笑逐顏開！這回答好笑之餘，又相當大方得體，盡顯急才！

來看看Amber的完整問題環節片段吧！

而同是入圍五強的14號何泳芍（Honey）和15號As One前成員陳苑澄都問答環節表現出色獲讚賞！先是Honey本身是自由潛水教練，而主持人就問她如何說服Do姐和Liza姐一起學潛水，她稱讚Do姐身形弗爆，著泳衣絕無問題！

之後主持人又問她：「如果Do姐和Liza姐同時遇溺，你會救誰？」Honey：「我會救近我那個先，因為她的生存機率係最高，之後先再落水救另一位」，她能以專業知識避過回笑救那一個的題問，完美展現機智反應！

陳苑澄之前已有舞台經驗，在問答環節相當有自信，完全難不到她！她先被問到覺得選港姐會不會助你買到樓，她表示覺得會有幫助，希望到時會有房地產找她賣廣告，sponsor她可以以低價賣樓！

後來再問她會否如果將來需要錢，會否抵押港姐后冠～她則堅決強調自己不會抵押港姐后冠，因為后冠價值與意義絕對高於四百多萬！這回答亦相當得體！

相反冠軍陳曉華（Hera）及季軍丁子田在問答環節則表現一般，其中Hera就被問到，本台3大阿姐，分別係Liza姐、Do姐及家燕姐同時選港姐，她會選誰是冠軍？Hera看來不想得罪兩位重量級的Do姐及Liza姐，就回答了以今年的準則，自己會選家燕姐，大讚家燕姐笑容迷人，終沒選站在她身旁的Do姐！

在旁的Do姐也發攻問Hera：「咁我亞軍定季軍？」Hera反應不及，就隨意答：「Do姐係我心目中嘅冠軍，但要揀冠軍都係揀家燕姐。」，雖然答題一般，但也算是一個令人驚喜的答案！

而之前是冠軍大熱的丁子田終拿下季軍，她認為自己中文不好加上口才失準，所以在問答環節中影響表現！

16號黃子桐（Rachel）就被問到：「除了后冠、權杖、披風外，如今屆多一樣禮物，想要甚麼？」，Rachel表示：「我諗都係一個鑽石嘅耳環。」Do姐即笑稱：「一個，唔要一對。」

反應快的Rachel即時回答：「因為一個耳環我永遠唔會賣到出去，可以永遠拎嚟珍藏！」陸永表示佩服：「你兜到真係犀利。」，之後Do姐就笑說：「唔係話咩，一個都可以賣嘅，你知唔知呀？手緊起上嚟，你可能會咁做～」

另外，11號李明芙在問答環節時就被兩位師姐麥明詩及馮盈盈考起，麥明詩問：「除咗你之外，你覺得有邊個佳麗贏咗係唔公平？唔準講自己」，李明芙想不出誰來，顯出一臉無奈，更尷尬地笑了笑！

DO姐見狀，馬上替她解圍：「可以答冇嘅，唔駛比人迫嘅」，之後李明芙便說出Honey，DO姐便叫她不要開名～麥明詩便續說：「DO姐咁NICE嘅，我覺得好唔公平，我選嘅時候DO姐都冇咁」

DO姐就超霸氣的說：「咁你都選到囉，你仲想點樣姐，你係香港小姐嚟㗎嘛！點樣唔公平呀？」全場即時歡呼及掌聲四起，令到麥明詩也即時尷尬笑，不知該如何回應，馮盈盈也即時補充，對麥明詩說：「係呀！所以好收聲啦，如果唔係就話我哋對佳麗唔公平啦～」

Do姐再對李明芙說：「冇人唔公平，個個都有機會，多謝你！」這完美的解圍令到Do姐得到全場一致盛讚！

Text: Girls editorial

Photo Source: TVB screen cap, YouTube