download GirlStyle 女生日常 app
原來仲有好多滄海遺珠!盤點5位演技出色嘅男女藝人,有視帝視后實力但始終都係同獎項擦身而過!

原來仲有好多滄海遺珠!盤點5位演技出色嘅男女藝人,有視帝視后實力但始終都係同獎項擦身而過!

Trendy 人氣熱話
By Sherry on 23 Jan 2018
Editor

前幾日大台一年一度嘅《萬千星輝頒獎典禮》終於舉行完畢,各個大獎嘅結果都塵埃落定,不過今屆嘅得獎名單似乎大家都唔係咁受落,唔少網民都話今次完全係違背民意而行,完全無聽觀眾心聲,惹嚟大家猛烈抨擊!睇番大台唔少有實力嘅藝員原來都試過好多次提名,但都無機會上台拎獎,就等小編同大家盤點一下哩幾個滄海遺珠喇!

廣告
廣告

#01馬國明

螢幕快照 2018-01-23 下午3.39.18

馬明絕對係大家今屆力捧嘅視帝人選,憑著神劇《降魔的》入面嘅麻甩的士司機馬季得到唔少觀眾嘅喜愛,好多人都支持佢今屆拎視帝,不過最後都不敵飾演盲俠嘅王浩信,再一次同視帝寶座擦身而過!

螢幕快照 2018-01-23 下午3.41.15

睇返入行17年嘅馬明,原來曾經先後10次獲提名「最佳男主角」,其中3次更殺入5強,於2012同13年出演《On Call 36小時》一輯同二輯嘅時候,大家就已經覺得「張一健」一件頭哩個角色值得拎獎,可惜提名咁多次,始終都無上台嘅一日,真係好可惜呀!

螢幕快照 2018-01-23 下午3.40.27

螢幕快照 2018-01-23 下午3.42.24

廣告
廣告

唔少網民都戥馬明好唔抵,仲話佢絕對係香港版嘅里安納度,希望佢唔好灰心咁話!

#02 林峯

螢幕快照 2018-01-23 下午3.48.24

除咗馬明之外,仲有好耐無見嘅林峯,佢雖然一直以嚟都被人覺得係無線嘅「親生仔」,好受重用,但始終都未試過拎過TVB視帝,相信哩樣絕對係佢嘅一大遺憾!

螢幕快照 2018-01-23 下午3.49.09

佢係TVB咁耐,曾經先後14次獲提名「最佳男主角」,其中更加有7次成功打入5強,正係呢個數字真係無邊個可以同佢鬥,而且有好幾年仲要誇張到同時有兩三套劇都有「最佳男主角」提名,就好似2004年《血薦軒轅》-孟磊、《大唐雙龍傳》-寇仲同埋《天涯俠醫》- 齊百恆~

螢幕快照 2018-01-23 下午3.43.25

螢幕快照 2018-01-23 下午3.46.14

廣告
廣告

而佢係TVB最後一套劇《使徒行者》入面飾演嘅爆Seed可以話係演技大突破,獲得網民一面倒力撐,點知最後竟然無獎,真係令唔少人大跌眼鏡!

螢幕快照 2018-01-23 下午3.50.28

睇返資料,原來林峯之前曾經攞過好多地方嘅視帝,分別有馬來西亞同新加坡,仲係香港首位嘅華鼎獎中國視帝(2013年&2015年)同埋亞洲視帝(2008年),但係自己地頭就一次都未試過,換轉係第二個都會覺得好灰~


#03 鍾嘉欣

螢幕快照 2018-01-23 下午3.54.58

依家已經榮升人妻同媽咪嘅嘉欣BB近年嚟都無再拍劇,最多都係客串一下,由於形象正面,所以觀眾緣都相當之好,亦係當時TVB力捧嘅花旦之一。

螢幕快照 2018-01-23 下午4.05.27

係TVB拍劇3年就已經成功獲提名「最佳女主角」,之後合共提名咗10次咁多,仲有7次係入圍5強添!其中2007年《溏心風暴》飾演常在心一角,更被網民稱為喊戲入面嘅最佳演繹,不過一樣係無機會掂一掂視后寶座~

廣告
廣告

螢幕快照 2018-01-23 下午3.52.31

螢幕快照 2018-01-23 下午3.51.28

 

#04 徐子珊

螢幕快照 2018-01-23 下午4.08.32

至於被網民笑稱為「不死人」嘅徐子珊雖然角色有時好騎呢,但演技絕對係質素保證,而且越見進步,曾經先後7次獲提名「最佳女主角」,其中3次打入5強,於《雷霆掃毒》一劇嘅表現亦相當亮眼,可惜最後都係空手而歸!

螢幕快照 2018-01-23 下午4.07.42

螢幕快照 2018-01-23 下午4.07.05

廣告
廣告

#05 邵美琪

螢幕快照 2018-01-23 下午4.10.32

邵美琪係咁多位上述提及嘅藝人入面可以話係資歷最深嘅一個,由1980年代已經開始係TVB拍劇,由《義不容情》、《我本善良》、《創世紀》哩啲經典劇集一路演到依家,每一套嘅演技都非常出色~

螢幕快照 2018-01-23 下午4.09.46

螢幕快照 2018-01-23 下午4.10.10

之前甚至連出演被視為倉底劇嘅《刀下留人》,都可以憑著超扣人心弦嘅花蕊紅一角令到大家晚晚留係屋企追劇,可想而知實力有幾勁!不過提名過4次「最佳女主角」都係同獎項擦身而過~

 

其實有實力嘅藝人真係仲有好多,但係仲未有機會成功獲獎,真係好可惜!希望大台真係聽下民意,好好珍惜哩班咁好嘅演員喇!

 

Text: Girls editorial
Photo Source:tvb, weibo, instagram

❣️ 立即 Follow 我們的 Instagram girlstyle.mag

🔔 訂閱 GirlStyle 女生日常 YouTube頻道

✨GirlStyle 女生日常手機應用程式正式登陸 App Store 及 Google Play✨ 👉 立即下載