齊齊放閃曬恩愛！《愛回家》小情侶大跳愛的手勢舞，網民：「兩人係咪戲假情真？」
《愛．回家之開心速遞》除咗大小姐搞笑又夠放之外，其實播咗二百幾集，最近亦都陸陸續續有幾Pair螢幕情侶誕生！佢地都大跳「愛的手勢舞」，令網友高呼：「在一起！」
熊心如（蘇韻姿飾）＋池子孝（阮政峰飾）首先喺車內跳「愛的手勢舞」，兩人對望嘅神情真係好有愛，仲引起好大迴響，網民都搞笑地話：「畀根叔見到點算！」
有時佢地兩小口子都會喺IG放閃～雖然流流地，但有得喺TVB睇下哩啲小清新純愛搞笑劇情都已經好正！
「如孝CP」跳完情侶舞之後，仲點名要金城安（周嘉洛飾）＋Bonnie（林凱恩飾）跳！「Bon安CP」哩Pair真心甜到小編都忍唔住露出姨母笑容～
Bonnie一路跳一路甜笑，跳到最後嗰個深情對望嘅眼神，完全會令人覺得佢地戲假情真！！！
平時哩兩Pair螢幕CP都間唔中會喺IG Post下合照，底下清一色都係網民話：「超甜」、「感覺你地已經係真人CP了」嘅留言～
不過又有心水清嘅網民話：「Bonnie明明係朱淩淩個ex，金城安又係朱淩淩好兄弟，點解劇情會安排佢地一齊！」
仲有啲網民話：「明明朱淩淩同金城安先係一Pair！！」、「咁朱淩淩點算呀！」（小編大笑）
係現實入面，原來金城安（周嘉洛飾）同朱淩淩（吳偉豪飾）都真係小鮮肉！周嘉洛1995年出世，今年先22歲咋～好多網民都話半個月前佢同Bonnie定情嗰集就係佢嘅螢幕初吻！
吳偉豪仲要係1998年出世，今年先得19歲，仲有份影TVB月曆！真係前途無可限量呀～
佢地另外又點名叫博士＋Mandy跳！其實小編最想睇係KC同Terry、大小姐同送水輝哩兩Pair，你地最想睇又係邊pair呢？
Text ：Girls Editorial
Photo Source：Instagram
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
